Raviteja: రవితేజ టైటిల్ పోస్టర్ కి ముహూర్తం ఖరారు!
- రవితేజ నుంచి రిలీజ్ కి రెడీగా 'ఖిలాడి'
- చాలావరకూ డ్యూటీ పూర్తి చేసిన 'రామారావు'
- లైన్లోకి వచ్చేసిన 'ధమాకా'
- 70వ సినిమా సుధీర్ వర్మతో
రవితేజ వరుస సినిమాలతో దూసుకుపోతున్నాడు. కొవిడ్ సమయంలో వరుసగా కథలు వినేసిన ఆయన, ఇప్పుడు వాటిని వరుసగా పట్టాలెక్కిస్తున్నాడు. తాజాగా ఆయన తన 70వ సినిమాకి కూడా గ్రీన్ సిగ్నల్ ఇచ్చాడు. అభిషేక్ నామా ఈ సినిమాను నిర్మిస్తూ ఉండగా, సుధీర్ వర్మ దర్శకత్వం వహించనున్నాడు.
ప్రస్తుతం ఈ సినిమాకి సంబంధించిన ప్రీ ప్రొడక్షన్ పనులు జరుగుతున్నాయి. ఈ సినిమాకి 'రావణాసుర' అనే టైటిల్ ను పరిశీలిస్తున్నారు. 'హీరోస్ డోంట్ ఎగ్జిస్ట్' అనేది ట్యాగ్ లైన్. అయితే ఈ విషయంపై ఈ నెల 5వ తేదీన క్లారిటీ వస్తుంది. ఎందుకంటే ఆ రోజున ఉదయం 10:08 నిమిషాలకు టైటిల్ తో కూడిన ఫస్టులుక్ పోస్టర్ ను రిలీజ్ చేస్తామని మేకర్స్ చెప్పారు.
ప్రస్తుతం సుధీర్ వర్మ 'శాకిని - ఢాకిని' సినిమాను చేస్తున్నాడు. ఇది లేడీ ఓరియెంటెడ్ స్టోరీ. ఇక ఆల్రెడీ 'ఖిలాడి'ని రిలీజ్ కి నిలబెట్టేసిన రవితేజ, ఆ తరువాత ప్రాజెక్టులను పరిగెత్తిస్తున్నాడు. శరత్ మండవ దర్శకత్వంలో 'రామారావు ఆన్ డ్యూటీ' .. నక్కిన త్రినాథరావు దర్శకత్వంలో 'ధమాకా' చేస్తున్నాడు. ఇక త్వరలో 'రావణాసుర' అన్నమాట.
