Vijay: కీర్తి సురేశ్ విషయంలో వచ్చేసిన క్లారిటీ!
- కీర్తి సురేశ్ తాజా చిత్రంగా 'గుడ్ లక్ సఖి'
- ముగింపు దశలో 'సర్కారువారి పాట'
- సెట్స్ పైకి వెళ్లిన 'భోళా శంకర్'
- విజయ్ సినిమాలో కీర్తి సురేశ్ లేదు
తెలుగు .. తమిళ భాషల్లో కీర్తి సురేశ్ స్టార్ హీరోయిన్ గా కొనసాగుతోంది. ఆమె తాజా చిత్రంగా ప్రేక్షకుల ముందుకు రావడానికి 'గుడ్ లక్ సఖి' సినిమా రెడీ అవుతోంది. ఈ సినిమా ఈ నెల 31వ తేదీన విడుదల కానుంది. ఆ తరువాత ప్రాజెక్టులుగా ఆమె చేతిలో 'సర్కారువారి పాట' .. 'భోళా శంకర్' సినిమాలు ఉన్నాయి.
మహేశ్ బాబు - పరశురామ్ కాంబినేషన్లో రూపొందుతున్న 'సర్కారువారి పాట' చిత్రీకరణ పరంగా చివరిదశకి చేరుకుంది. ఇక చిరంజీవి కథానాయకుడిగా మెహర్ రమేశ్ రూపొందిస్తున్న 'భోళా శంకర్' ఇటీవలే సెట్స్ పైకి వెళ్లింది. ఈ నేపథ్యంలోనే ఆమె వంశీ పైడిపల్లి సినిమాలో ఛాన్స్ కొట్టేసినట్టుగా వార్తలు వస్తున్నాయి.
విజయ్ హీరోగా వంశీ పైడిపల్లి ఒక సినిమా చేస్తున్నాడు. కెరియర్ పరంగా విజయ్ కి 66వ సినిమా. ఈ సినిమాకి దిల్ రాజు నిర్మాతగా వ్యవహరిస్తున్నాడు. ఈ సినిమాలో కథానాయికగా కీర్తి సురేశ్ పేరు వినిపించింది. అందులో ఎలాంటి వాస్తవం లేదని మేకర్స్ అధికారికంగా స్పష్టం చేశారు. మరి ఇక, విజయ్ జోడీగా ఎవరికి ఛాన్స్ దొరుకుతుందో చూడాలి.