Corona Virus: దేశంలో భారీగా పెరిగిన ఒమిక్రాన్ కేసులు

31-12-2021 Fri 09:58 | National

ఇప్ప‌టివ‌ర‌కు మొత్తం 1,270 ఒమిక్రాన్ కేసులు
తెలంగాణ‌లో 62కు పెరిగిన వైనం
దేశంలో నిన్న మొత్తం 16,764 క‌రోనా కేసులు
క‌రోనా కార‌ణంగా నిన్న‌ 220 మ‌ర‌ణాలు

దేశంలో క‌రోనా కేసుల సంఖ్య భారీగా పెరిగింది. మొన్న 13,154 కేసులు న‌మోదుకాగా, నిన్న 16,764 కేసులు న‌మోద‌య్యాయ‌ని కేంద్ర వైద్య ఆరోగ్య శాఖ తెలిపింది. అలాగే, నిన్న క‌రోనా నుంచి 7,585 మంది కోలుకున్నారు. మరోపక్క, క‌రోనా కార‌ణంగా నిన్న‌ 220 మ‌ర‌ణాలు సంభ‌వించాయి.

ప్ర‌స్తుతం 91,361 మంది ఆసుప‌త్రులు, హోం క్వారంటైన్ల‌లో చికిత్స తీసుకుంటున్నారు. రిక‌వ‌రీ రేటు 98.36 శాతంగా ఉంది. దేశంలో ఒమిక్రాన్ కేసులు కూడా భారీగా పెరిగిపోతున్నాయి. ఇప్ప‌టివ‌ర‌కు మొత్తం 1,270 కేసులు న‌మోద‌య్యాయ‌ని కేంద్ర వైద్య ఆరోగ్య శాఖ తెలిపింది. తెలంగాణ‌లో 62, ఆంధ్ర‌ప్ర‌దేశ్‌లో 16 క‌రోనా కేసులు న‌మోద‌య్యాయని వివ‌రించింది.