Allu Arjun: తగ్గేదేలే.. సౌతిండియాలో ఏ హీరో సాధించలేని ఘనతను సాధించిన అల్లు అర్జున్!

టాలీవుడ్ ఐకాన్ స్టార్ అల్లు అర్జున్ రేంజ్ ఇప్పుడు దేశవ్యాప్తమయింది. 'పుష్ప' సినిమాతో బన్నీ ఉత్తరాదికి కూడా పరిచయమయ్యాడు. దీంతో, బన్నీని అభిమానించే వారు నార్త్ లో కూడా ప్రారంభమయ్యారు. మరోవైపు ఇన్స్టాగ్రామ్ లో అల్లు అర్జున్ రికార్డ్ క్రియేట్ చేశాడు. ఇన్స్టాలో 1.5 కోట్ల మంది ఫాలోయర్ల మైలురాయిని అధిగమించాడు. తద్వారా 15 మిలియన్ల ఫాలోయర్లను కలిగి ఉన్న ఏకైన దక్షిణాది నటుడిగా అవతరించాడు. దక్షిణాదిలో ఏ హీరోకి కూడా 1.5 కోట్ల ఫాలోయర్లు లేరు. 2017 నవంబర్ లో బన్నీ ఇన్స్టాగ్రామ్ లోకి ప్రవేశించారు. నాలుగున్నర సంవత్సరాల కాలంలోనే ఆయన ఇంత మంది ఫాలోయర్లను సంపాదించుకున్నాడు.