Ukraine: ఉక్రెయిన్ నుంచి ఏపీకి ఇప్పటి వరకు ఎంత మంది విద్యార్థులు తిరిగొచ్చారంటే..!
- ఉక్రెయిన్ లో విద్యనభ్యసిస్తున్న 770 మంది
- ఇప్పటి వరకు తిరిగొచ్చిన వారి సంఖ్య 757
- తిరిగొచ్చేందుకు సరిహద్దుల్లో సిద్ధంగా ఉన్న నలుగురు విద్యార్థులు
ఉక్రెయిన్ లో పెద్ద సంఖ్యలో భారతీయ విద్యార్థులు విద్యను అభ్యసిస్తున్న సంగతి తెలిసిందే. వీరిలో ఏపీకి చెందిన విద్యార్థులు కూడా పెద్ద సంఖ్యలో ఉన్నారు. అయితే ఆ దేశంపై రష్యా యుద్ధం చేస్తుండటంతో మన వాళ్లు అనేక మంది అక్కడి నుంచి తిరిగొచ్చారు. అక్కడున్న ఇండియన్ ఎంబసీ అధికారుల సహకారంతో వెనక్కొచ్చారు. ఇప్పటి వరకు 757 మంది తిరిగొచ్చినట్టు ఏపీ ఉక్రెయిన్ టాస్క్ ఫోర్స్ కమిటీ వెల్లడించింది. ఆ దేశంలో మొత్తం 770 మంది విద్యార్థులు చదువుతుండగా వారిలో 757 మంది తిరిగొచ్చారని తెలిపింది. మిగిలిన వారిలో నలుగురు తిరిగి వచ్చేందుకు ఉక్రెయిన్ సరిహద్దుల్లో సిద్ధంగా ఉన్నారని చెప్పింది. మిగిలిన వారు రావాల్సి ఉందని తెలిపింది.