Sree Vishnu: పవర్ఫుల్ పోలీస్ ఆఫీసర్ గా 'అల్లూరి' .. యంగ్ హీరో ప్రీ లుక్!
- విభిన్నమైన చిత్రాలు చేస్తున్న శ్రీవిష్ణు
- పరాజయం పాలైన 'అర్జున ఫల్గుణ'
- రిలీజ్ కి రెడీ అవుతున్న 'భళా తందనాన'
- పోలీస్ ఆఫీసర్ పాత్రలో శ్రీవిష్ణు
మొదటి నుంచి కూడా శ్రీవిష్ణు విభిన్నమైన కథలను .. పాత్రలను ఎంచుకుంటూ వస్తున్నాడు. తనని తాను తెరపై కొత్తగా ఆవిష్కరించుకోవడానికి తనవంతు ప్రయత్నం చేస్తూనే ఉన్నాడు. తాజాగా ఆయన మరో సినిమాను లైన్లో పెట్టేశాడు. ఈ సినిమాకి 'అల్లూరి' అనే టైటిల్ ను ఖరారు చేసి, ప్రీ లుక్ పోస్టర్ ను వదిలారు.
బెక్కెం వేణుగోపాల్ - బబిత నిర్మిస్తున్న ఈ సినిమాకి ప్రదీప్ వర్మ దర్శకత్వం వహిస్తున్నాడు. ఇది ఒక సిన్సియర్ ఆఫీసర్ చుట్టూ అల్లుకున్న కథ. ఆ పోలీస్ ఆఫీసర్ గా శ్రీవిష్ణు కనిపించనున్నాడు. ఇంతవరకూ తను చేస్తూ వచ్చిన సినిమాలకి ఇది పూర్తి భిన్నంగా ఉంటుందట. హర్షవర్ధన్ రామేశ్వర్ ఈ సినిమాకి సంగీతాన్ని సమకూర్చుతున్నాడు.
'బ్రోచేవారెవరురా' తరువాత శ్రీ విష్ణు ఇక దూకుడు చూపిస్తాడని అనుకుంటే, 'తిప్పరా మీసం' .. 'గాలి సంపత్' సినిమాలు పరాజయాలను అందుకున్నాయి. ఆ తరువాత 'రాజ రాజ చోర' ఉపశమనాన్ని ఇచ్చినప్పటికీ,' 'అర్జున ఫల్గుణ' దెబ్బకొట్టేసింది. త్వరలో 'భళా తందనాన'తో ప్రేక్షకులను పలకరించడానికి రెడీ అవుతున్నాడు.