Tamilisai Soundararajan: భ‌ద్రాద్రిలో గవర్నర్ త‌మిళిసై.. సీతారాముల‌కు ప‌ట్టువ‌స్త్రాల స‌మ‌ర్ప‌ణ
- భ‌ద్రాద్రి కొత్త‌గూడెం జిల్లా ప‌ర్య‌ట‌న‌లో త‌మిళిసై
- భ‌ద్రాద్రి రాములవారి ప‌ట్టాభిషేకానికి హాజ‌రు
- భ‌ర్త‌తో క‌లిసి స్వామి వారికి ప‌ట్టు వ‌స్త్రాల స‌మ‌ర్ప‌ణ
తెలంగాణ గవర్నర్ త‌మిళిసై సౌంద‌ర‌రాజ‌న్ దంప‌తులు సోమ‌వారం భ‌ద్రాచ‌లంలోని సీతారామ స్వామి ఆల‌యంలో సీతారాముల కల్యాణోత్సవంలో భాగంగా సీతారాముల ప‌ట్టాభిషేకం ఉత్సవాల‌కు హాజ‌ర‌య్యారు. ఈ సంద‌ర్భంగా సీతారాముల‌కు త‌మిళిసై ప‌ట్టు వ‌స్త్రాల‌ను స‌మ‌ర్పించారు.
సోమ‌వారం ఉద‌యం భ‌ద్రాద్రి కొత్త‌గూడెం జిల్లా ప‌ర్య‌ట‌న‌కు రైలులో బ‌య‌లుదేరిన త‌మిళిసై కొత్త‌గూడెంలో దిగారు. ఈ సంద‌ర్భంగా కొత్త‌గూడెంలోని సింగ‌రేణి అతిథి గృహంలో పోలీసు వంద‌నం స్వీక‌రించిన గవర్నర్.. ఆ త‌ర్వాత భ‌ద్రాచ‌లం వెళ్లారు. సీతారాముల కల్యాణోత్సవంలో ప‌తీ స‌మేతంగా పాల్గొన్నారు.