Raviteja: మేజర్ షెడ్యూల్ ను పూర్తిచేసిన 'రావణాసుర'!
- 'రావణాసుర'గా రవితేజ
- 5 గురు హీరోయిన్లతో ఆటా పాట
- దర్శకుడిగా సుధీర్ వర్మ
- చకచకా జరుగుతున్న షూటింగ్
రవితేజ చకచకా ఒక ప్రాజెక్టు తరువాత ఒక ప్రాజెక్టును లైన్లో పెడుతూ వెళుతున్నాడు. ఆల్రెడీ 'రామారావు ఆన్ డ్యూటీ' సినిమాను రిలీజ్ కి రెడీ చేసిన ఆయన, సాధ్యమైనంత త్వరగా 'ధమాకా' సినిమాను పూర్తిచేసే పనిలో ఉన్నాడు. ఆ తరువాత సినిమాగా ఆయన 'రావణాసుర'ను ఇటీవలే పట్టాలెక్కించాడు.
అభిషేక్ అగర్వాల్ నిర్మిస్తున్న ఈ సినిమాకి రవితేజ కూడా ఒక నిర్మాణ భాగస్వామిగా ఉన్నాడు. సుధీర్ వర్మ దర్శకత్వం వహిస్తున్న ఈ సినిమా చాలా వేగంగా షూటింగు జరుపుకుంటోంది. కొన్ని రోజులుగా మేజర్ షెడ్యూల్ షూటింగును చేస్తూ వెళుతున్నారు. తాజాగా ఈ షెడ్యూల్ షూటింగు పూర్తయినట్టుగా అధికారికంగా తెలియజేశారు.
ఈ షెడ్యూల్లో కొన్ని కీలకమైన సన్నివేశాలతో పాటు .. యాక్షన్ సీక్వెన్స్ ను కూడా పూర్తి చేసినట్టుగా చెబుతున్నారు. ఈ సినిమాలో రవితేజ సరసన నాయికలుగా అనూ ఇమ్మాన్యుయేల్ .. మేఘ ఆకాశ్ .. ఫరియా అబ్దుల్లా .. దక్షా నగర్కార్ .. పూజిత పొన్నాడ అలరించనున్నారు. సుశాంత్ ఒక ప్రత్యేకమైన పాత్రలో కనిపించనున్నాడు.