Mahesh Babu: ‘సర్కారు వారి పాట’ విడుద‌లైన థియేట‌ర్ల వ‌ద్ద ఫ్యాన్స్ హంగామా.. వీడియోలు ఇవిగో
- నేడు విడుద‌లైన ‘సర్కారు వారి పాట’
- ఈ సినిమా కోసం ఆత్రుత‌గా ఎదురుచూసిన ఫ్యాన్స్
- బాణసంచా కాల్చుతూ, మిఠాయిలు పంచుకుంటూ డ్యాన్సులు
మహేశ్ బాబు హీరోగా పరశురాం దర్శకత్వంలో రూపుదిద్దుకున్న చిత్రం ‘సర్కారు వారి పాట’ ఈ రోజు విడుద‌లైన విష‌యం తెలిసిందే. ఈ సినిమా కోసం ఆత్రుత‌గా ఎదురుచూస్తోన్న మహేశ్ బాబు అభిమానులు థియేట‌ర్ల వ‌ద్ద హంగామా చేస్తున్నారు.
బాణసంచా కాల్చుతూ, మిఠాయిలు పంచుకుంటూ, డ్యాన్సులు చేస్తూ ఈ సినిమా విడుద‌ల వేడుక‌ను అభిమానులు పండుగ‌లా జ‌రుపుకుంటున్నారు. థియేట‌ర్ల‌లో మహేశ్ బాబు ఎంట్రీ సీన్ స‌మ‌యంలో అభిమానులు కాగితాలు చించి ఎగురవేశారు. ఇందుకు సంబంధించిన వీడియోలు, ఫొటోలు సోషల్ మీడియాలో వైర‌ల్ అవుతున్నాయి.
