Jagan: హైదరాబాదులో వివాహ వేడుకకు హాజరైన జగన్
- ఎమ్మెల్యే కాటసాని కుమారుడి వివాహానికి హాజరైన జగన్
- పెళ్లికూతురు మేధాశ్రీ తండ్రి హైదరాబాదులో ప్రముఖ వ్యాపారవేత్త
- వివాహానికి హాజరైన ఏపీ, తెలంగాణకు చెందిన ప్రముఖులు
నంద్యాల జిల్లా బనగానపల్లె ఎమ్మెల్యే కాటసాని రామిరెడ్డి కుమారుడి వివాహం హైదరాబాదులోని హైటెక్స్ లో అంగరంగ వైభవంగా జరిగింది. కాటసాని కుమారుడు శివఓబుల్ రెడ్డి వివాహం మేధాశ్రీతో జరిగింది. ఈ వివాహానికి ఏపీ ముఖ్యమంత్రి జగన్ హాజరయ్యారు. నూతన వధూవరులను ఆశీర్వదించారు. పెళ్లి కుమార్తె మేధాశ్రీ తండ్రి పెద్ది సాయిరెడ్డి హైదరాబాదులో ఒక ప్రముఖ వ్యాపారవేత్త. ఈ వివాహానికి ఏపీ, తెలంగాణకు చెందిన పలువురు ప్రముఖులు హాజరయ్యారు.
