Nani: 'అంటే .. సుందరానికీ' నుంచి మరో లిరికల్ సాంగ్ రెడీ!
- వివేక్ ఆత్రేయ నుంచి వస్తున్న మరో కామెడీ ఎంటర్టైనర్
- బ్రాహ్మణ యువకుడైన సుందరం పాత్రలో నాని
- క్రిస్టియన్ యువతి పాత్రలో నజ్రియా
- జూన్ 10వ తేదీన సినిమా విడుదల
నాని హీరోగా 'అంటే .. సుందరానికీ' సినిమా రూపొందింది. విలేజ్ వాతావరణంలో పెరిగిన ఒక బ్రాహ్మణ యువకుడికీ .. ఫారిన్ లో పెరిగిన ఒక క్రిస్టియన్ అమ్మాయికి మధ్య నడిచే ప్రేమకథనే ఈ సినిమా. మైత్రీ మూవీ మేకర్స్ వారు నిర్మించిన ఈ సినిమాకి వివేక్ సాగర్ సంగీతాన్ని సమకూర్చాడు.
నాని సరసన నాయికగా మలయాళ హీరోయిన్ నజ్రియా తెలుగు తెరకి పరిచయమవుతోంది. ఈ సినిమా నుంచి ఇంతవరకూ వచ్చిన అప్ డేట్స్ కి మంచి రెస్పాన్స్ వచ్చింది. ఇక ఇప్పుడు మరో లిరికల్ సాంగ్ ను రిలీజ్ చేయడానికి రెడీ అవుతున్నారు. ఈ నెల 23వ తేదీన ఈ సాంగ్ ను రిలీజ్ చేయనున్నట్టు చెబుతూ, అందుకు సంబంధించిన పోస్టర్ ను వదిలారు.
ఈ సినిమాలో నాని డిఫరెంట్ లుక్ తో కనిపించనున్నాడు. నదియా .. రోహిణి .. నరేశ్ ముఖ్యమైన పాత్రలో కనిపించనున్నారు. జూన్ 10వ తేదీన ఈ సినిమాను భారీస్థాయిలో విడుదల చేయనున్నారు. ఇక నాని మరో చిత్రంగా 'దసరా' సెట్స్ పై ఉన్న సంగతి తెలిసిందే. ఈ సినిమాలో కథానాయికగా కీర్తి సురేశ్ అలరించనుంది.