Sri Lanka: శ్రీలంకలో ఔషధాల కొరత.. మరణాలు తప్పవంటున్న వైద్యులు!
- ఇప్పటికే తీవ్ర ఆర్థిక సంక్షోభంలో చిక్కుకున్న శ్రీలంక
- 180 రకాల ఔషధ కొరతతో సతమతమవుతున్న శ్రీలంక
- విదేశీ కరెన్సీ నిల్వలు తగ్గిపోవడంతో దిగుమతి చేసుకోలేని పరిస్థితి
ఇప్పటికే తీవ్ర ఆర్థిక సంక్షోభంలో కూరుకుపోయిన శ్రీలంకను మరో కీలక అంశం కలవరపెడుతోంది. ఇప్పటికే ఆ దేశంలో ఔషధాల కొరత నెలకొంది. ఈ నేపథ్యంలో అత్యవసర ఆపరేషన్లను సైతం వాయిదా వేయాల్సి వచ్చింది. దేశంలో ఆరోగ్య వ్యవస్థ కుప్పకూలే అవకాశం ఉందని వైద్యులు ఆందోళన వ్యక్తం చేస్తున్నారు. మందులు లేక రోగుల ఆరోగ్యం నానాటికీ క్షీణిస్తోందని... తక్షణమే ఔషధ సరఫరాను పెంచకపోతే రోగులు పెద్ద సంఖ్యలో మరణించడం తప్పదని హెచ్చరిస్తున్నారు.
