Andhra Pradesh: రేప‌టి నుంచే ఏపీలో ఉద్యోగుల బ‌దిలీలు... గైడ్ లైన్స్ జారీ చేసిన ప్రభుత్వం
- ఉద్యోగుల బ‌దిలీల‌పై సోమ‌వార‌మే జ‌గ‌న్ సంత‌కం
- ఆ మ‌రునాడే ప్రభుత్వం నుంచి ఉత్త‌ర్వుల జారీ
- రేప‌టి నుంచి 17 వ‌ర‌కు కొన‌సాగ‌నున్న బ‌దిలీలు
ఏపీలో ప్ర‌భుత్వ ఉద్యోగుల సాధార‌ణ బ‌దిలీల‌కు రంగం సిద్ధ‌మైంది. బుధవారం (జూన్ 8) నుంచి ఈ నెల 17 వ‌ర‌కు ఉద్యోగుల బ‌దిలీలు జ‌ర‌గ‌నున్నాయి. ఈ మేర‌కు మంగ‌ళ‌వారం ఉద్యోగుల బ‌దిలీల‌కు సంబంధించిన గైడ్ లైన్స్‌ను ప్రభుత్వం విడుద‌ల చేసింది.
ఉద్యోగుల సాధార‌ణ బ‌దిలీల‌కు సంబంధించిన ఫైల్‌పై సీఎం వైఎస్ జ‌గ‌న్ మోహ‌న్ రెడ్డి సోమ‌వార‌మే సంత‌కం చేసిన సంగ‌తి తెలిసిందే. ఆ సంద‌ర్భంగా ఈ నెల 17లోగా ఉద్యోగుల బ‌దిలీలు పూర్తి అయ్యేలా చూడాలంటూ జ‌గ‌న్ సూచించారు. బ‌దిలీల్లో ఎలాంటి వివాదాలు రాకుండా చూడాలని కూడా జ‌గ‌న్ అధికారుల‌కు సూచించారు. సీఎం సూచ‌న‌ల‌కు అనుగుణంగానే తాజాగా మంగ‌ళ‌వారం ప్రభుత్వం ఉత్త‌ర్వులు జారీ చేసింది.