Andhra Pradesh: ఈ నెల 25న వైసీపీ మెగా జాబ్ మేళా
- నిరుద్యోగుల కోసం వైఎస్సార్ సీపీ నిర్వహిస్తున్న జాబ్ మేళా
- ఈసారి కడప జిల్లా చాపాడులోని సీబీఐటీ ఇంజనీరింగ్ కాలేజీలో నిర్వహిస్తామన్న విజయసాయి
- నేడు జాబ్ మేళాకు చెందిన పోస్టర్లు, వెబ్ సైట్ ప్రారంభం
నిరుద్యోగుల కోసం వైఎస్సార్ సీపీ జాబ్ మేళాను నిర్వహిస్తున్న సంగతి తెలిసిందే. అందులో భాగంగా తాజాగా మరో జాబ్ మేళాకు సంబంధించిన పోస్టర్ ను, వివరాలను విడుదల చేశారు. ఈ నెల 25న వైఎస్సార్ కడప జిల్లా చాపాడు మండలంలోని సీబీఐటీ ఇంజనీరింగ్ కాలేజీలో వైఎస్సార్ సీపీ ఆధ్వర్యంలో మెగా జాబ్ మేళా నిర్వహిస్తామని వైసీపీ ఎంపీ విజయసాయి రెడ్డి ప్రకటించారు. ఆ జాబ్ మేళాకు సంబంధించిన పోస్టర్లు, వెబ్ సైట్ ను డిప్యూటీ సీఎం అంజాద్ బాషా, ఎంపీ అవినాష్ రెడ్డి తదితరులతో కలిసి ఆయన ప్రారంభించారు.
