Chandrababu: రోడ్డు ప్రమాద బాధితులను దగ్గరుండి ఆసుపత్రికి తరలించిన చంద్రబాబు
- నిన్న రాత్రి చీపురుపల్లి రోడ్ షో ముగించుకుని వస్తుండగా ఘటన
- కాన్వాయ్ దిగి క్షతగాత్రులకు సహాయక చర్యలు చేపట్టిన చంద్రబాబు
- తన కాన్వాయ్ లోని అంబులెన్స్ ద్వారా ఆసుపత్రికి తరలించిన వైనం
విజయనగరం జిల్లా చీపురుపల్లి మండలం పుర్రేయవలస జంక్షన్ వద్ద రోడ్డు ప్రమాదంలో గాయపడిన ఇద్దరు వ్యక్తులను టీడీపీ అధినేత చంద్రబాబు దగ్గరుండి ఆసుపత్రికి తరలించారు. నిన్న రాత్రి ఈ సన్నివేశం చోటు చేసుకుంది. రాత్రి చీపురుపల్లిలో రోడ్ షో ముగించుకుని వస్తున్న చంద్రబాబు గాయపడిన వారిని చూసి... తన వాహనం దిగి క్షతగాత్రులకు సహాయక చర్యలను చేపట్టారు. తన కాన్వాయ్ లో ఉన్న అంబులెన్సులో విజయనగరానికి తరలించారు.