Mahesh Babu: త్రివిక్రమ్ తో మహేశ్ చేయనున్న మూవీ పాన్ ఇండియానే!
- మహేశ్ తో సినిమాకి త్రివిక్రమ్ సన్నాహాలు
- వచ్చే నెలలో రెగ్యులర్ షూటింగుకి ఏర్పాట్లు
- కథానాయికగా పూజ హెగ్డే ఖరారు
- వీలైతే సంక్రాంతికి .. లేదంటే ఉగాదికి రిలీజ్
'అరవింద సమేత' .. 'అల వైకుంఠపురములో' హిట్స్ తరువాత త్రివిక్రమ్, 'సరిలేరు నీకెవ్వరు' .. 'సర్కారువారి పాట' హిట్స్ తరువాత మహేశ్ బాబు కలిసి ఒక సినిమా చేయడానికి రెడీ అవుతున్నారు. ఈ ఇద్దరి కాంబినేషన్లో రూపొందనున్న మూడో సినిమా ఇది. హారిక - హాసిని వారు ఈ సినిమాను భారీ బడ్జెట్ తో నిర్మిస్తున్నారు.
మహేశ్ బాబు తన కెరియర్లో చేస్తున్న ఫస్టు పాన్ ఇండియా సినిమా ఇది. తెలుగుతో పాటు ఇతర భాషల్లోనూ ఈ సినిమాను భారీ స్థాయిలో రిలీజ్ చేయాలనే ఆలోచన దిశగానే అన్ని పనులు జరుగుతున్నాయి. వచ్చే నెల నుంచి ఈ సినిమా రెగ్యులర్ షూటింగును మొదలుపెట్టనున్నారు.
ఈ సినిమాలో కథానాయికగా పూజ హెగ్డే అలరించనుంది. త్రివిక్రమ్ తో ఆమెకి ఇది మూడో సినిమా కాగా, మహేశ్ తో రెండో సినిమా. ఈ సినిమాను 'సంక్రాంతి'కి రిలీజ్ చేయాలనే ఆలోచనలో ఉన్నారు. ముందుగా అనుకున్న ప్రణాళికలో ఏ మాత్రం మార్పు జరిగినా 'ఉగాది'కి విడుదల చేస్తారట. మహేశ్ ఫ్యాన్స్ అంతా ఇప్పుడు ఈ సినిమాపైనే దృష్టిపెట్టారు.