Upendra: మహేశ్ కోసం రంగంలోకి కన్నడ స్టార్ హీరో!
- కన్నడలో సీనియర్ స్టార్ హీరోగా ఉపేంద్ర
- టాలీవుడ్ నుంచి వెళుతున్న కీలక పాత్రలు
- 'సన్నాఫ్ సత్యమూర్తి'లో గుర్తుండిపోయే పాత్ర
- త్రివిక్రమ్ మరో ఛాన్స్ ఇచ్చినట్టుగా టాక్
ఉపేంద్ర కన్నడలో సీనియర్ స్టార్ హీరోగా తన జోరును కొనసాగిస్తున్నారు. చాలాకాలం క్రితమే ఆయన తెలుగు సినిమాలు చేశారు. హీరోగా తెలుగులో ఆయన చేసిన సినిమాలు ఒక వర్గం ప్రేక్షకులు చూసేవారు. ఇక ఈ మధ్య కాలంలో కేరక్టర్ ఆర్టిస్టుగా కూడా ఆయన తెలుగులో కీలకమైన పాత్రలను చేస్తూ వస్తున్నారు.
అలాంటి ఉపేంద్రను మహేశ్ బాబు సినిమా కోసం త్రివిక్రమ్ ఎంపిక చేసినట్టుగా ఒక వార్త బలంగా వినిపిస్తోంది. మహేశ్ తో త్రివిక్రమ్ ఓ సినిమా చేస్తున్నారు. త్వరలోనే ఈ సినిమా సెట్స్ పైకి వెళ్లే దిశగా పనులు జరుగుతున్నాయి. ఈ సినిమాలో కథానాయికగా పూజ హెగ్డేను తీసుకున్నారు. ఇక మహేశ్ తండ్రి పాత్ర కోసం ఉపేంద్రను ఎంచుకున్నారని అంటున్నారు.
ఈ పాత్ర చాలా కీలకమైనదిగా .. పవర్ఫుల్ గా ఉంటుందనీ, ఫ్లాష్ బ్యాక్ లో వస్తుందని అంటున్నారు. ఇంతకుముందు త్రివిక్రమ్ సినిమా 'సన్నాఫ్ సత్యమూర్తి'లో ఉపేంద్ర పోషించిన దేవరాజ్ పాత్ర ఆ సినిమాకి హైలైట్ గా నిలిచింది .. ఆయనకి మరింత క్రేజ్ తీసుకొచ్చింది. ఈ పాత్ర కూడా అదే రేంజ్ లో ఉంటుందేమో చూడాలి మరి.