Nothing Phone 1: నేటి నుంచే 'నథింగ్' ఫోన్ల అమ్మకాలు
- సాయంత్రం 7 గంటలకు మొదలు
- మూడు రకాల వేరియంట్లలో ఫ్లిప్ కార్ట్ పై మాత్రమే లభ్యం
- ముందస్తు ఆర్డర్లు ఇచ్చిన వారికి డెలివరీలో ప్రాధాన్యం
ప్రపంచంలో తొలి ట్రాన్స్ పరెంట్ స్మార్ట్ ఫోన్ (పారదర్శకంగా కనిపించేది) అయిన 'నథింగ్' ఫోన్ (1) విక్రయాలు ఫ్లిప్ కార్ట్ పై నేటి (21న) సాయంత్రం 7 గంటలకు మొదలు కానున్నాయి. ఈ ఫోన్ 8జీబీ ర్యామ్, 128జీబీ స్టోరేజీ వేరియంట్ ధర రూ.31,999. 8జీబీ ర్యామ్, 256 జీబీ స్టోరేజీ వేరియంట్ ధర రూ.34,999. ఇక 12జీబీ ర్యామ్, 256 జీబీ స్టోరేజీ ధర రూ.37,999. కేవలం తెలుపు, నలుపు రంగుల్లోనే ఇది లభిస్తుంది. రూ.1,000 తగ్గింపును కూడా ఫ్లిప్ కార్ట్ ఆఫర్ చేస్తోంది.