Shreyas Iyer: శ్రేయాస్ అయ్యర్ అర్ధసెంచరీ... టీమిండియా భారీ స్కోరు
- వెస్టిండీస్ తో ఐదో టీ20
- ఫ్లోరిడాలో మ్యాచ్
- టాస్ గెలిచి బ్యాటింగ్ ఎంచుకున్న టీమిండియా
- 20 ఓవర్లలో 7 వికెట్లకు 188 పరుగులు
వెస్టిండీస్ తో ఆఖరిదైన ఐదో టీ20 మ్యాచ్ లో టీమిండియా భారీ స్కోరు సాధించింది. అమెరికాలోని ఫ్లోరిడాలో జరుగుతున్న ఈ మ్యాచ్ లో టీమిండియా టాస్ గెలిచి బ్యాటింగ్ ఎంచుకుంది. నిర్ణీత 20 ఓవర్లలో 7 వికెట్లకు 188 పరుగుల భారీ స్కోరు సాధించింది.
ఓపెనర్ గా బరిలో దిగిన శ్రేయాస్ అయ్యర్ అర్ధసెంచరీతో రాణించాడు. అయ్యర్ 40 బంతుల్లో 8 ఫోర్లు, 2 సిక్సులతో 64 పరుగులు చేశాడు. దీపక్ హుడా 38, కెప్టెన్ హార్దిక్ పాండ్యా 28 పరుగులు చేశారు. విండీస్ బౌలర్లలో ఓడియన్ స్మిత్ 3 వికెట్లు తీశాడు. జాసన్ హోల్డర్ 1, డొమినిక్ డ్రేక్స్ 1, హేడెన్ వాల్ష్ 1 వికెట్ తీశారు.