PavanKalyan: పవన్ బర్త్ డే స్పెషల్ గా 'హరిహర వీరమల్లు' నుంచి రానున్న అప్ డేట్!
- 'వీరమల్లు'గా పవన్ కల్యాణ్
- చారిత్రక నేపథ్యంలో నడిచే కథ
- కథానాయికగా నిధి అగర్వాల్
- వచ్చే ఏడాది ప్రేక్షకుల ముందుకు
రేపు పవన్ కల్యాణ్ పుట్టినరోజు. ఈ సందర్భాన్ని పురస్కరించుకుని ఈ సినిమా నుంచి ఒక పోస్టర్ ను రిలీజ్ చేశారు. పవన్ కల్యాణ్ గుర్రపు బండిపై వెళుతున్నట్టుగా ఈ పోస్టర్ ఉంది. కొంతమంది సైనికులు ఆయనను పట్టుకోవడానికి వెంటాడుతున్నారు. ఎర్రని వస్త్రంలో 'వీరమల్లు' కట్టిన మూట చూస్తుంటే, ఆయన ఏవో వస్తువులు దొంగిలించి పారిపోతున్నట్టుగా కనిపిస్తున్నాడు.
చారిత్రక నేపథ్యంతో ఈ సినిమాలో గజదొంగ పాత్రలో పవన్ నటిస్తున్నాడనే విషయం తెలుసును గనుక, పవన్ కల్యాణ్ ఫ్యాన్స్ ను ఈ పోస్టర్ ఆకట్టుకుంటోంది. చాలా రోజుల తరువాత వచ్చిన ఈ పోస్టర్, సినిమాపై మరింతగా ఆసక్తిని పెంచుతోంది. పవన్ బర్త్ డే సందర్భంగా రేపు సాయంత్రం 5: 45 నిమిషాలకు ఈ సినిమా నుంచి మరో అప్ డేట్ వదలనున్నట్టుగా ప్రకటించారు.
భారీ బడ్జెట్ తో ఈ సినిమాను ఎ.ఎం.రత్నం నిర్మిస్తున్నాడు. క్రిష్ దర్శకత్వం వహిస్తున్న ఈ సినిమాకి కీరవాణి సంగీతాన్ని సమకూర్చుతున్నాడు. అర్జున్ రామ్ పాల్ కీలకమైన పాత్రను పోషిస్తున్న ఈ సినిమాలో నిధి అగర్వాల్ కథానాయికగా అలరించనుంది. వచ్చే ఏడాది ఈ సినిమా ప్రేక్షకుల ముందుకు రానుంది.
.