Supreme Court: గాలి జనార్దన్ రెడ్డి కేసులో సుప్రీంకోర్టు కీలక ఆదేశాలు జారీ

• గాలి జనార్దన్ రెడ్డి బెయిల్ రద్దుపై సుప్రీంకోర్టులో విచారణ
• డిశ్చార్జి పిటిషన్లను ఈ నెల 29లోగా పరిష్కరించాలని సీబీఐ కోర్టుకు ఆదేశం
• ఇకపై వాయిదాలు కూడా ఇవ్వవద్దంటూ ఆదేశాలు
• విచారణ జాప్యానికి డిశ్చార్జి పిటిషన్లు వేశారన్న సుప్రీంకోర్టు

---

గనుల అక్రమ తవ్వకాల కేసులో నిందితుడిగా ఉన్న కర్ణాటక మాజీ మంత్రి గాలి జనార్దన్ రెడ్డికి మంజూరు చేసిన బెయిల్ ను రద్దు చేయాలన్న పిటిషన్ పై సర్వోన్నత న్యాయస్థానం సుప్రీంకోర్టు గురువారం విచారణ చేపట్టింది. ఈ సందర్భంగా కేసు విచారణను వీలయినంతగా జాప్యం చేశారని కోర్టు అభిప్రాయపడింది.
అంతేకాకుండా గాలి జనార్దన్ రెడ్డిపై నమోదైన కేసులను విచారిస్తున్న హైదరాబాద్ నాంపల్లిలోని సీబీఐ ప్రత్యేక న్యాయస్థానానికి సుప్రీంకోర్టు కీలక ఆదేశాలు జారీ చేసింది. ఈ కేసులో డిశ్చార్జి పిటిషన్లపై ఈ నెల 29లోగా విచారణను ముగించాలని ఆదేశించింది. ఇకపై వాయిదాలు కూడా ఇవ్వవద్దని సూచించింది. కేసు విచారణను జాప్యం చేయడానికే డిశ్చార్జి పిటిషన్లు దాఖలు చేశారని కూడా సుప్రీంకోర్టు కీలక వ్యాఖ్యలు చేసింది.