Jagapathi Babu: 'భీమ్ రావ్ దొర'గా పవర్ఫుల్ పాత్రలో జగపతిబాబు!
- విభిన్నమైన కథాంశంతో రూపొందిన 'రుద్రంగి'
- కీలకమైన పాత్రలో మమత మోహన్ దాస్
- నిర్మాతగా రసమయి బాలకిషన్
- త్వరలో ప్రేక్షకుల ముందుకు
ఒక వైపున విలన్ గా .. మరో వైపున ఇతర పాత్రలతోను జగపతిబాబు బిజీగా ఉన్నారు. అడపా దడపా నాయక లక్షణాలు కలిగిన ప్రధానమైన పాత్రలను సైతం చేస్తూ ముందుకు వెళుతున్నారు. ఆ నేపథ్యంలోనే ఆయన 'రుద్రంగి' అనే సినిమాను చేశారు. ఈ కథలో 'రుద్రంగి' ప్రస్తావన ఎక్కువగా ఉన్నప్పటికీ, ఆమె కోసం ఎంతకైనా తెగించే పాత్రలో జగపతిబాబు కనిపించనున్నారు.
తాజాగా అందుకు సంబంధించిన మోషన్ పోస్టర్ ను రిలీజ్ చేశారు. బండి చక్రంతో శత్రువులపై విరుచుకుపడుతూ ఈ పోస్టర్లో జగపతిబాబు కనిపిస్తున్నాడు. ఈ సినిమాలో ఆయన 'భీమ్ రావ్ దొర' పాత్రలో కనిపించనున్నాడనే విషయాన్ని చెప్పారు. 'రుద్రంగి నాది' అనే జగపతిబాబు డైలాగ్ తో ఈ మోషన్ పోస్టర్ ను రిలీజ్ చేశారు. దీనిని బట్టి 'రుద్రంగి పట్ల ఆయనకి గల వ్యామోహం ఏ స్థాయిలో ఉందనేది అర్థమవుతోంది.
రసమయి బాలకిషన్ నిర్మించిన ఈ సినిమాకి అజయ్ సామ్రాట్ దర్శకత్వం వహించాడు. టైటిల్ రోల్ ను కన్నడ హీరోయిన్ పోషించింది. మమత మోహన్ దాస్ .. ఆశిష్ గాంధీ ముఖ్యమైన పాత్రలలో కనిపించనున్నారు. ఈ కథ దొరల కాలంలో జరుగుతుందనే విషయం అర్థమవుతోంది. త్వరలోనే ఈ సినిమాను ప్రేక్షకుల ముందుకు తీసుకుని రానున్నారు