Sehar Shinwari: టీమిండియాను ఓడిస్తే జింబాబ్వే దేశస్తుడ్ని పెళ్లాడతా... పాకిస్థాన్ నటి ఆసక్తికర ట్వీట్
- టీ20 వరల్డ్ కప్ లో పాక్ సెమీస్ చాన్సులు సంక్లిష్టం
- ఆదివారం భారత్, జింబాబ్వే మధ్య మ్యాచ్
- జింబాబ్వే గెలిస్తే పాక్ ఆశలు సజీవం
- ట్విట్టర్ లో స్పందించిన పాక్ నటి సెహర్ షిన్వారీ
టీ20 వరల్డ్ కప్ నేపథ్యంలో పాకిస్థాన్ నటి సెహర్ షిన్వారీ ఆసక్తికర ట్వీట్ చేశారు. పాకిస్థాన్ సెమీస్ చేరాలంటే ఆదివారం జరిగే మ్యాచ్ లో జింబాబ్వే చేతిలో టీమిండియా ఓడిపోవాల్సి ఉంటుంది. ఈ నేపథ్యంలో, సెహర్ షిన్వారీ స్పందిస్తూ... టీమిండియాను జింబాబ్వే ఓడిస్తే, తాను జింబాబ్వే దేశస్తుడ్ని పెళ్లాడతానని ప్రకటించారు.
నిన్న టీమిండియా, బంగ్లాదేశ్ మ్యాచ్ జరిగిన సంగతి తెలిసిందే. ఈ మ్యాచ్ లో టీమిండియానే నెగ్గింది. దాంతో పాకిస్థాన్ సెమీస్ అవకాశాలు సన్నగిల్లాయి. ఈ నేపథ్యంలోనే సెహర్ షిన్వారీ పైవిధంగా స్పందించారు.
ఇక తాను ఆడబోయే మిగతా మ్యాచ్ లు అన్నింట్లో పాక్ గెలవాల్సి ఉండగా, అదే సమయంలో భారత్ తన చివరి లీగ్ మ్యాచ్ లో జింబాబ్వే చేతిలో ఓడిపోవాల్సి ఉంటుంది. ఆ విధంగా జరిగితేనే పాక్ కు సెమీస్ బెర్తు లభించే అవకాశం ఉంటుంది.
