Sachin Tendulkar: ఓటమిని వెనకేసుకొచ్చిన సచిన్ టెండుల్కర్
- నాణేనికి రెండు ముఖాలున్నట్టే జీవితం కూడా అంతేనన్న సచిన్
- గెలుపు, ఓటములు కలసే ఉంటాయని కామెంట్
- గెలుపును వేడుక చేసుకున్నప్పుడు, ఓటమినీ ఆమోదించాల్సిందేనని సూచన
టీ20 వరల్డ్ కప్ సెమీస్ లో ఇంగ్లండ్ చేతిలో ఓటమి పాలై, తీవ్ర విమర్శలు ఎదుర్కొంటున్న భారత జట్టుకు లెజండరీ క్రికెటర్ సచిన్ టెండుల్కర్ బాసటగా నిలిచాడు. గెలుపు ఓటములు సహజమేనన్న రీతిలో అభిప్రాయాన్ని వినిపించాడు. ‘‘నాణేనికి రెండు ముఖాలు ఉంటాయి. జీవితం కూడా అంతే. మన జట్టు విజయాన్ని మనదిగా జరుపుకుంటున్నప్పుడు.. మన జట్టు ఓటములను కూడా అదే మాదిరి తీసుకోవాలి. జీవితంలో ఈ రెండూ ఒకదానితో ఒకటి కలసే ఉంటాయి’’ అంటూ సచిన్ టెండుల్కర్ ట్వీట్ చేశాడు.