one bike: ఇది బైక్ కాదు.. ఫ్యామిలీ బస్!
- ఒకే బైక్ పై దంపతులు, ఐదుగురు పిల్లలు
- వారి వెంట లగేజీ, రెండు పెంపుడు శునకాలు
- ఒక్కరూ హెల్మెట్ ధరించకుండా సవారీ
ఒక బైక్ అంటే సాధారణంగా ఇద్దరు వరకు ప్రయాణించేందుకు అనుకూలం. మూడో వారు కూర్చుంటే ఇరుకుగా ఉంటుంది. బండి నడిపే వారికి సౌకర్యంగా ఉండదు. కానీ, ఓ వ్యక్తి తన బైక్ పై భార్య, ఐదుగురు పిల్లలను, రెండు పెంపుడు కుక్కలు, లగేజీని తగిలించుకుని దర్జాగా పోతుండడం చూస్తే ఎవరైనా నోరెళ్లబెట్టాల్సిందే. వీరిలో ఒక్కరంటే ఒక్కరూ హెల్మెట్ ధరించలేదు. పైగా వాహనం కూడా 40 కిలోమీటర్ల వేగంతో వెళుతోంది.
ఈ వీడియో ఇప్పుడు సామాజిక మాధ్యమాల్లో హల్ చల్ చేస్తోంది. పోలీసులకు పట్టుబడితే, చలాన్లు కట్టేందుకు ఈ వ్యక్తి రుణం తీసుకోక తప్పదంటూ ఓ నెటిజన్ హాస్యంగా కామెంట్ చేశాడు. మరో యూజర్ అయితే.. ‘చలాన్లు ఏమీ ఉండవు. వీరిని ఆపిన వారు, అసలు ఇంత మంది ఎలా సర్దుకున్నారంటూ గమనించాల్సి వస్తుంది’ అని కామెంట్ పెట్టాడు. ఈ వీడియోను ఇప్పటికే రెండున్నర లక్షల మందికి పైగా చూశారు.
