Stock Market: ప్రపంచ ఆర్థికమాంద్యం భయాలు.. ఈరోజు కూడా భారీగా నష్టపోయిన స్టాక్ మార్కెట్లు
- ఆచితూచి వ్యవహరిస్తున్న ఇన్వెస్టర్లు
- 451 పాయింట్లు పతనమైన సెన్సెక్స్
- 145 పాయింట్లు కోల్పోయిన నిఫ్టీ
నిన్న భారీగా నష్టపోయిన స్టాక్ మార్కెట్లు ఈరోజు కూడా అదే ట్రెండ్ ను కొనసాగించాయి. ప్రపంచ ఆర్థికమాంద్యం గురించి ఆందోళనలు పెరుగుతున్న క్రమంలో ఇన్వెస్టర్లు ఆచితూచి వ్యవహరిస్తున్నారు. మదుపరులు అమ్మకాలకు మొగ్గుచూపడంతో మార్కెట్లు పతనమవుతున్నాయి.
ఈ క్రమంలో ఈరోజు ట్రేడింగ్ ముగిసే సమయానికి సెన్సెక్స్ 461 పాయింట్లు కోల్పోయి 61,337కి పడిపోయింది. నిఫ్టీ 145 పాయింట్లు నష్టపోయి 18,269కి దిగజారింది. ఈరోజు అన్ని సూచీలు నష్టాలను మూటకట్టుకున్నాయి. బేసిక్ మెటీరియల్స్ సూచీ 3 శాతానికి పైగా పతనమయింది.
బీఎస్ఈ సెన్సెక్స్ టాప్ గెయినర్స్:
హెచ్డీఎఫ్టీ బ్యాంక్ (0.49%), హిందుస్థాన్ యూనిలీవర్ (0.30%), నెస్లే ఇండియా (0.19%), టాటా స్టీల్ (0.05%).
టాప్ లూజర్స్:
డాక్టర్ రెడ్డీస్ లేబొరేటరీస్ (-3.62%), మహీంద్రా అండ్ మహీంద్రా (-2.44%), ఏసియన్ పెయింట్స్ (-2.19%), టీసీఎస్ (-2.01%), స్టేట్ బ్యాంక్ ఆఫ్ ఇండియా (-1.98%).
