Dinesh Tej: ఫీల్ గుడ్ ఎంటర్‌టైనర్ గా 'అలా నిన్ను చేరి' .. టైటిల్ లోగో, మోషన్ పోస్టర్ రిలీజ్!
- విభిన్నమైన ప్రేమకథగా 'అలా నిన్ను చేరి'
- హీరోగా దినేశ్ తేజ్ .. ఆయన జోడీగా హెబ్బా పటేల్
- సంగీత దర్శకత్వం వహించిన సుభాశ్ ఆనంద్
- త్వరలోనే టీజర్ రిలీజ్
కొమ్మలపాటి శ్రీధర్ సమర్పణలో మారేష్ శివన్ దర్శకుడిగా పరిచయం చేస్తూ సాయి సుధాకర్ నిర్మిస్తున్న చిత్రం ‘అలా నిన్ను చేరి’. విజన్ మూవీ మేకర్స్ బ్యానర్‌పై ఎంతో ప్రతిష్ఠాత్మకంగా రూపొందిస్తున్న ఈ చిత్రంలో దినేష్ తేజ్ .. హెబ్బా పటేల్ .. పాయల్ .. రాధాకృష్ణ హీరో హీరోయిన్లుగా నటిస్తున్నారు. 'హుషారు' సినిమాతో సక్సెస్ అందుకున్న హీరో దినేష్ తేజ్ మరోసారి ఈ విలక్షణ కథతో ప్రేక్షకుల ముందుకు రాబోతున్నాడు.
ఫీల్ గుడ్ లవ్ స్టోరీగా నేటితరం ఆడియన్స్ కోరుకునే అన్ని అంశాలతో ఈ సినిమాను రూపొందిస్తున్నారు. ప్రస్తుతం ఈ సినిమా ఫైనల్ షెడ్యూల్ షూటింగ్ జరుపుకుంటోంది. ఓ వైపు షూటింగ్ చేస్తూనే మరోవైపు ప్రమోషన్స్ కూడా షురూ చేసి న్యూ ఇయర్ కానుకగా 'అలా నిన్ను చేరి' టైటిల్ లోగో, మోషన్ పోస్టర్ లను రిలీజ్ చేశారు.
ఈ టైటిల్ 'లోగో' పోస్టర్‌ని చాలా డిఫరెంట్ గా డిజైన్ చేసి, సినిమా సోల్ తెలిసేలా స్పెషల్ గా అట్రాక్ట్ చేశారు. ఓ పక్క పల్లెటూరు, మరోపక్క మెట్రో సిటీ .. ఈ రెండు ప్రదేశాలను కలుపుతూ హీరోని బ్యాక్ నుంచి చూపించారు. ఈ పోస్టర్ చూస్తుంటే పల్లెటూరు నుంచి కెరీర్ కోసం సిటీకి చేరిన కుర్రాడు, అమ్మాయి ప్రేమలో పడి తన జర్నీ ఎలా సాగించాడనేది ఈ సినిమా కథ అని తెలుస్తోంది.
‘అలా నిన్ను చేరి’ సినిమాకు చంద్రబోస్ సాహిత్యాన్ని అందించగా, సుభాష్ ఆనంద్ సంగీతాన్ని సమకూర్చాడు. ఆండ్రూ కెమెరా మెన్ గా పనిచేస్తున్నారు. ఈ సినిమాకి ఆర్ట్ డైరెక్టర్‌గా విఠల్ .. ఎడిటర్ గా కోటగిరి వెంకటేశ్వరరావు.. ఫైట్ మాస్టర్లుగా సాల్మన్ - రామకృష్ణ వ్యవహరిస్తున్నారు. అతి త్వరలో ఈ సినిమా టీజర్ ను రిలీజ్ చేయనున్నట్లు మేకర్స్ తెలిపారు.