Balakrishna: ఒంగోలు వేదికపై 'వీరసింహారెడ్డి' ట్రైలర్ రిలీజ్ .. ముహూర్తం ఖరారు!
- మాస్ యాక్షన్ ఎంటర్టయినర్ గా 'వీరసింహారెడ్డి'
- రేపు రాత్రి ఒంగోలులో ప్రీ రిలీజ్ ఈవెంట్
- భారీస్థాయిలో తరలిరానున్న అభిమానులు
- ఈ నెల 12వ తేదీన విడుదలవుతున్న సినిమా
బాలకృష్ణ - గోపీచంద్ మలినేని దర్శకత్వంలో 'వీరసింహారెడ్డి' సినిమా రూపొందింది. మైత్రీ మూవీ మేకర్స్ వారు నిర్మించిన ఈ సినిమాను, సంక్రాంతి కానుకగా జనవరి 12వ తేదీన విడుదల చేయనున్నారు. ఈ నేపథ్యంలో ఈ సినిమా ప్రీ రిలీజ్ ఈవెంటును ఈ నెల 6వ తేదీన 'ఒంగోలు'లో ప్లాన్ చేశారు.
అభిమానుల సమక్షంలో భారీ స్థాయిలో ఈ ప్రీ రిలీజ్ ఈవెంట్ జరగనుంది. ఈ వేదిక పై నుంచి ఈ సినిమా ట్రైలర్ ను రిలీజ్ చేయడానికి ముహూర్తాన్ని ఖరారు చేశారు. ఆ రోజున రాత్రి 8:17 నిమిషాలకు ట్రైలర్ రిలీజ్ ఉంటుందని చెబుతూ, అందుకు సంబంధించిన పోస్టర్ ను వదిలారు.
కొంతమంది శత్రువులను మట్టి కరిపించి, మిగిలినవారి అంతుచూడటం కోసం ఆవేశంతో దూకుడుగా వస్తున్న 'వీరసింహారెడ్డి'ని ఈ పోస్టర్లో చూడొచ్చు. తమన్ సంగీతం ఈ సినిమాకి హైలైట్ గా నిలవనుంది. శ్రుతి హాసన్ కథానాయికగా నటించిన ఈ సినిమాలో, వరలక్ష్మి శరత్ కుమార్ కీలకమైన పాత్రను పోషిస్తోంది.
