Road: హైదరాబాదులో 10 అడుగుల మేర కుంగిన రోడ్డు... వీడియో ఇదిగో!
- ఇటీవల హైదరాబాదులో రోడ్లు కుంగిపోతున్న ఘటనలు
- తాజాగా హిమాయత్ నగర్ లో ఘటన
- గుంతలో పడిపోయిన టిప్పర్.. ట్రాఫిక్ కు అంతరాయం
హైదరాబాదులో ఇటీవల తరచుగా రోడ్లు కుంగిపోతున్న ఘటనలు చోటుచేసుకుంటున్నాయి. ఇటీవల గోషామహల్ లో రోడ్డు కుంగిపోయి వాహనాలు అందులో పడిపోయిన సంగతి తెలిసిందే. అలాంటి ఘటనే హిమాయత్ నగర్ లో నేడు చోటుచేసుకుంది. హిమాయత్ నగర్ లో నిత్యం రద్దీగా ఉండే స్ట్రీట్ నెం.5లోని రోడ్డు ఒక్కసారిగా కుంగిపోయింది. ఓ టిప్పర్ అదుపుతప్పి ఆ గుంతలో పడిపోయింది. ఎవరికీ ఎలాంటి ప్రమాదం జరగకపోవడంతో అందరూ ఊపిరి పీల్చుకున్నారు. రోడ్డు కుంగిపోవడంతో అక్కడ ట్రాఫిక్ కు అంతరాయం ఏర్పడింది.