Ileana: ఇలియానాను బ్యాన్ చేసిన తమిళ సినీ పరిశ్రమ?
- తమిళ సినిమా కోసం అడ్వాన్స్ తీసుకుని నటించని ఇలియానా
- ఇలియానా వల్ల నిర్మాతకు భారీ నష్టం
- 2021లో విడుదలైన ఇలియానా చివరి చిత్రం
గోవా బ్యూటీ ఇలియానాను తమిళ సినీ పరిశ్రమ బ్యాన్ చేసిందనే వార్తలు వస్తున్నాయి. వివరాల్లోకి వెళ్తే ఒక తమిళ సినిమా కోసం ఇలియానా సైన్ చేసింది. నిర్మాత నుంచి అడ్వాన్స్ కూడా తీసుకుంది. అయితే ఆ తర్వాత ఆమె ఆ సినిమాలో నటించలేదు. దీంతో నిర్మాతకు చాలా నష్టం కలిగింది. కాంట్రాక్ట్ ను ఇలియానా బ్రేక్ చేసిందంటూ సదరు నిర్మాత ఫిర్యాదు చేశారు.
ఈ నేపథ్యంలో ఆమెను కోలీవుడ్ బ్యాన్ చేసిందని చెపుతున్నారు. మరోవైపు ఇలియానా చివరి సినిమాలో నటించి దాదాపు రెండేళ్లు కావస్తోంది. 2021లో వచ్చిన బాలీవుడ్ చిత్రం 'ది బిగ్ బుల్' ఆమె చివరి చిత్రం.
