Oscars: ఆస్కార్ వేదికపై ఎగిరిన తెలుగు జెండా.. అవార్డు అందుకున్న కీరవాణి, చంద్రబోస్.. వీడియో ఇదిగో!
- నాటునాటు పాటకు ఆస్కార్ అవార్డు
- అవార్డు ప్రకటనతో దద్దరిల్లిన థియేటర్
- సగర్వంగా అవార్డు అందుకున్న కీరవాణి, చంద్రబోస్
సినీ ప్రపంచంలో తెలుగు జెండా సగర్వంగా రెపరెపలాడింది. తెలుగు సినిమా కీర్తి దిగంతాలకు ఎదిగింది. 'ఆర్ఆర్ఆర్' సినిమాలోని 'నాటునాటు' పాటకు ఆస్కార్ అవార్డు లభించింది. బెస్ట్ ఒరిజినల్ సాంగ్ విభాగంలో ఈ పాట బెస్ట్ సాంగ్ అవార్డును సాధించింది. ఈ పాటను సృష్టించిన సంగీత దర్శకుడు కీరవాణి, పాట రచయిత చంద్రబోస్ ఆస్కార్ అవార్డును అందుకున్నారు. ఈ పాటకు ఆస్కార్ అవార్డును ప్రకటించగానే థియేటర్ దద్దరిల్లింది. లైవ్ లో చూస్తున్న కోట్లాది మంది అభిమానులు ఆనందంతో పులకించిపోయారు. ఈ పాటను రాహుల్ సిప్లిగంజ్, కాలభైరవ పాడారు.