Tamannaah: ఐపీఎల్ ప్రారంభోత్సవంలో తమన్నా తళుకులు
- మార్చి 31 నుంచి ఐపీఎల్ 16వ సీజన్
- అహ్మదాబాద్ నరేంద్ర మోదీ స్టేడియంలో ఓపెనింగ్ సెర్మనీ
- తమన్నా డాన్స్ పెర్ఫార్మెన్స్ ఏర్పాటు చేసినట్టు ఐపీఎల్ వర్గాల వెల్లడి
- తొలి మ్యాచ్ లో గుజరాత్ టైటాన్స్ వర్సెస్ చెన్నై సూపర్ కింగ్స్
ప్రపంచవ్యాప్తంగా ఉన్న క్రికెట్ అభిమానులను అలరించేందుకు ఇండియన్ ప్రీమియర్ లీగ్ (ఐపీఎల్) తాజా సీజన్ వచ్చేస్తోంది. మార్చి 31న ఐపీఎల్-16 ప్రారంభం కానుంది. ఎప్పట్లాగానే టోర్నీ ప్రారంభోత్సవాన్ని ఘనంగా నిర్వహించేందుకు ఐపీఎల్ పాలకమండలి నిర్ణయించింది. అహ్మదాబాద్ లోని నరేంద్ర మోదీ స్టేడియం వేదికగా జరిగే ఐపీఎల్ ఓపెనింగ్ సెర్మనీలో మిల్కీ బ్యూటీ తమన్నా డాన్స్ పెర్ఫార్మెన్స్ ఏర్పాటు చేశారు. ఈ మేరకు అధికారికంగా ప్రకటించారు.
మార్చి 31న సాయంత్రం 6 గంటలకు ఐపీఎల్ ప్రారంభ వేడుకలు మొదలవుతాయి. ఈ ఈవెంట్ లో తమన్నాదే తొలి ప్రదర్శన కానుంది. కాగా, ఓపెనింగ్ సెర్మనీలో పాల్గొనే ఇతర స్టార్ల వివరాలను కూడా ఐపీఎల్ వెల్లడించనుంది. ఐపీఎల్-16 ప్రారంభ మ్యాచ్ లో డిఫెండింగ్ చాంపియన్స్ గుజరాత్ టైటాన్స్, చెన్నై సూపర్ కింగ్స్ తలపడనున్నాయి.
