Samudrakhani: ‘విమానం’ సినిమా నుంచి కొత్త పోస్ట‌ర్స్‌ రిలీజ్!
- విభిన్నమైన కథాంశంతో రూపొందిన 'విమానం'
- తండ్రీ కొడుకుల అనుబంధానికి అద్దం పట్టే కథ
- ప్రధానమైన పాత్రను పోషిస్తున్న సముద్రఖని
- జూన్ 9వ తేదీన సినిమా విడుదల
సముద్రఖని న‌టిస్తోన్న ద్విభాషా చిత్రం ‘విమానం’. శివప్ర‌సాద్ యానాల ద‌ర్శ‌క‌త్వంలో ప్రముఖ నిర్మాణ సంస్థ జీ స్టూడియోస్‌ - కిర‌ణ్ కొర్ర‌పాటి క్రియేట్ వ‌ర్క్స్ సంయుక్తంగా ఈ సినిమాను నిర్మిస్తున్నాయి. జూన్ 9న రిలీజ్ అవుతున్న ఈ సినిమాపై, గ్లింప్స్‌ .. 'సిన్నోడా ఓ సిన్నోడా' సాంగ్ ప్రోమో ఆస‌క్తిని పెంచాయి. ఈ క్ర‌మంలో ఇప్ప‌టికే స‌ముద్ర ఖ‌ని పోషిస్తున్న వీర‌య్య పాత్రను ప్రేక్ష‌కుల‌కు ప‌రిచయం చేసిన ద‌ర్శ‌క నిర్మాతలు, సినిమాలోని ఇత‌ర పాత్ర‌ధారుల‌ను ప‌రిచయం చేయ‌ట‌మే కాకుండా ఆ పాత్ర‌ల పేర్ల‌ను కూడా ఆడియన్స్‌కు ఇంట్ర‌డ్యూస్ చేశారు.
వీర‌య్య అనే అంగ వైకల్యం ఉన్న తండ్రి పాత్రలో సముద్రఖని, కొడుకు పాత్రలో మాస్టర్ ధ్రువన్ న‌టిస్తోన్న సంగ‌తి తెలిసిందే. కాగా.. సుమ‌తి పాత్రలో అన‌సూయ భ‌ర‌ద్వాజ్‌, రాజేంద్రన్ పాత్రలో రాజేంద్రన్, డేనియ‌ల్ పాత్రలో ధ‌న్‌రాజ్‌, కోటి పాత్రలో రాహుల్ రామ‌కృష్ణ ఇత‌ర కీల‌క పాత్ర‌ల్లో అల‌రించ‌బోతున్నారు. 'విమానం' ప్ర‌ధానంగా తండ్రీ కొడుకుల మ‌ధ్య ఉన్న అనుబంధాన్ని తెలియ‌జేసే సినిమా ఇది. 
ఈ సంద‌ర్భంగా కిర‌ణ్ కొర్ర‌పాటి మాట్లాడుతూ ‘‘డిఫ‌రెంట్ కాన్సెప్ట్ చిత్రాలకు పెద్ద పీట వేస్తున్న మన ఆడియన్స్‌ను దృష్టిలో పెట్టుకుని 'విమానం' సినిమాను రూపొందిస్తున్నాం. జూన్ 9న తెలుగు, త‌మిళ భాష‌ల్లో ప్రేక్ష‌కుల ముందుకు ఈ చిత్రం రానుంది. ఇప్ప‌టివ‌ర‌కూ విడుద‌లైన ప్ర‌మోష‌న‌ల్ కంటెంట్‌కు సూప‌ర్బ్ రెస్పాన్స్ వ‌చ్చింది.