KCR: ఇస్కాన్ టెంపుల్ కు శంకుస్థాపన చేయనున్న కేసీఆర్
- కోకాపేటలో విశాలమైన ప్రాంగణంలో ఇస్కాన్ టెంపుల్ నిర్మాణం
- ఈ నెల 8న శంకుస్థాపన కార్యక్రమం
- కొత్త సచివాలయంలో కేసీఆర్ ను కలిసి ఆహ్వానించిన ఇస్కాన్ ప్రతినిధులు
హైదరాబాద్ నగరానికి మరో అద్భుతమైన ఆధ్యాత్మిక కట్టడం రాబోతోంది. కోకాపేట్ లో అత్యంత విశాలమైన ప్రాంగణంలో అతి పెద్ద ఆలయాన్ని అంతర్జాతీయ కృష్ణ చైనత్య సంఘం (ఇస్కాన్) నిర్మించబోతోంది. ఈ ఆలయ నిర్మాణానికి ఈ నెల 8న ముఖ్యమంత్రి కేసీఆర్ శంకుస్థాపన చేయబోతున్నారు. ఇప్పటికే ఆలయ నిర్మాణ నమూనాను ఇస్కాన్ ప్రతినిధులు విడుదల చేశారు. ఈ కట్టడంలో శ్రీరాధాకృష్ణ టెంపుల్, శ్రీనివాస గోవింద టెంపుల్, రాజగోపురం, నిత్యాన్నదాన హాలు ప్రధానంగా ఉంటాయి. నూతన సచివాలయంలో కేసీఆర్ ను కలిసిన ఇస్కాన్ ప్రతినిధులు శంకుస్థాపనకు ఆహ్వానించారు. తాను తప్పకుండా వస్తానని వారికి కేసీఆర్ హామీ ఇచ్చారు.
