Pathaan: 1971 తర్వాత బంగ్లాదేశ్ లో రిలీజవుతున్న తొలి హిందీ చిత్రం ఇదే!
- ఈ ఏడాది ఆరంభంలో విడుదలైన షారుఖ్ ఖాన్ పఠాన్ చిత్రం
- ప్రపంచవ్యాప్తంగా రూ.1000 కోట్ల వసూళ్లు
- మే 12న బంగ్లాదేశ్ లో రిలీజ్
- పఠాన్ చిత్రం బంగ్లాదేశ్ లోనూ ఘనవిజయం సాధిస్తుందన్న డిస్ట్రిబ్యూటర్ డిసౌజా
భారత్ పొరుగునే ఉన్న బంగ్లాదేశ్ లో 1971 తర్వాత ఇప్పటివరకు ఓ హిందీ చిత్రం రిలీజ్ కాలేదంటే ఆశ్చర్యం కలగకమానదు. ఇప్పుడా పరిస్థితి మారబోతోంది. బాలీవుడ్ బాద్షా షారుఖ్ ఖాన్ నటించిన బ్లాక్ బస్టర్ చిత్రం పఠాన్ బంగ్లాదేశ్ లో రిలీజవుతుంది.
ఈ ఏడాది ఆరంభంలో విడుదలై ప్రపంచవ్యాప్తంగా రూ.1000 కోట్లు కొల్లగొట్టిన పఠాన్... మే 12న బంగ్లాదేశ్ లో ప్రేక్షకుల ముందుకు వస్తోంది. 52 ఏళ్ల తర్వాత బంగ్లాదేశ్ లో పఠాన్ రూపంలో ఓ బాలీవుడ్ చిత్రం సందడి చేయనుంది.
ఇంటర్నేషనల్ ఫిలిం డిస్ట్రిబ్యూటర్ నెల్సన్ డిసౌజా దీనిపై స్పందించారు. దేశాలు, సంస్కృతుల మధ్య అంతరాలను తగ్గించగల శక్తి సినిమా మాధ్యమానికి ఉందని అన్నారు. పఠాన్ చిత్రం బంగ్లాదేశ్ లోనూ ఘనవిజయం సాధిస్తుందని నమ్మకం వ్యక్తం చేశారు.