Abhiram: దగ్గుబాటి అభిరామ్ 'అహింస' .. రిలీజ్ డేట్ ఖరారు!
- తేజ నుంచి వస్తున్న 'అహింస'
- గ్రామీణ నేపథ్యంలో నడిచే ప్రేమకథ
- రీ ఎంట్రీ ఇస్తున్న ఆర్పీ పట్నాయక్
- జూన్ 2వ తేదీన విడుదల
ప్రేమకథా చిత్రాలపై తేజ మార్కు స్పష్టంగా కనిపిస్తూ ఉంటుంది. ప్రేమకథా చిత్రాల ద్వారా ఆయన చాలామంది హీరోలను పరిచయం చేశాడు. అలా ఇప్పుడు ఆయన మరో ప్రేమకథగా 'అహింస'ను థియేటర్లకు తీసుకు రావడానికి సిద్ధమవుతున్నాడు. ఈ సినిమాతో దగ్గుబాటి అభిరామ్ ను హీరోగా పరిచయం చేస్తున్నాడు.
ఆనంది ఆర్ట్స్ - సురేశ్ ప్రొడక్షన్స్ వారు సంయుక్తంగా నిర్మించిన ఈ సినిమాతో, హీరోయిన్ గా గీతిక పరిచయమవుతోంది. ఈ సినిమా ఈ పాటికే థియేటర్లకు రావలసి ఉంది. కానీ కొన్ని కారణాల వలన రిలీజ్ విషయంలో ఆలస్యమవుతూ వచ్చింది. తాజాగా రిలీజ్ ముహూర్తాన్ని ఖరారు చేశారు.
ఈ సినిమాను జూన్ 2వ తేదీన విడుదల చేయనున్నారు. కొంతసేపటి క్రితం ఈ విషయాన్ని అధికారికంగా ప్రకటించారు. ఇది గ్రామీణ నేపథ్యంలో సాగే ప్రేమకథ అనే విషయం టీజర్ .. ట్రైలర్ ను బట్టి అర్థమవుతోంది. ఈ సినిమాతో ఆర్పీ పట్నాయక్ రీ ఎంట్రీ ఇస్తుండటం విశేషం. ఈ ప్రేమకథా చిత్రం మరో ట్రెండ్ ను సృష్టిస్తుందేమో చూడాలి.
