Varun Tej: జూన్ లో వరుణ్ తేజ్, లావణ్య త్రిపాఠి నిశ్చితార్థం అంటూ జాతీయ మీడియాలో కథనం... ఇది నిజమేనా?
- వరుణ్ తేజ్ పెళ్లిపై పింక్ విల్లా సౌత్ మీడియా సంస్థ కథనం
- లావణ్య, వరుణ్ తేజ్ పెళ్లి ఈ ఏడాదే ఉంటుందని వెల్లడి
- ఇద్దరూ పార్టీలు, ఫంక్షన్లలో జంటగా కనిపించేవారని వివరణ
విభిన్నమైన కథలతో సినిమాలు చేసుకుంటూ వెళుతున్న మెగా హీరో వరుణ్ తేజ్ పెళ్లిపై జాతీయ మీడియాలో ఓ వార్త గుప్పుమంది. అందాల భామ లావణ్య త్రిపాఠితో వరుణ్ తేజ్ నిశ్చితార్థం జూన్ లో జరగనుందని పింక్ విల్లా సౌత్ మీడియా సంస్థ పేర్కొంది. ఈ ఏడాదిలోనే వారిద్దరూ పెళ్లి పీటలు ఎక్కనున్నారని తెలిపింది.
కొన్నాళ్లుగా వీరు జంటగా పార్టీలకు, ఫ్యామిలీ ఫంక్షన్లకు హాజరయ్యారని, అయితే తామిద్దరి మధ్య అనుబంధాన్ని వారు కొట్టిపడేసేవారని ఆ మీడియా సంస్థ వివరించింది. తామిద్దరం స్నేహితులం మాత్రమేనని చెప్పేవారని పింక్ విల్లా సౌత్ వెల్లడించింది.
అయితే, ఈ కథనంలో నిజం ఎంత అన్నది మెగా కుటుంబం నుంచి ఏదైనా ప్రకటన వస్తే తప్ప నిర్ధారించలేం. కనీసం లావణ్య త్రిపాఠి అయినా దీనిపై ఏదైనా హింట్ ఇస్తే స్పష్టత వచ్చే అవకాశాలు ఉన్నాయి.