Adah Sharma: 200 కోట్ల వసూళ్ల దిశగా 'ది కేరళ స్టోరీ'

16-05-2023 Tue 18:51 | Entertainment

ఈ నెల 5వ తేదీన విడుదలైన 'ది కేరళ స్టోరీ'
నిన్న ఒక్క రోజులోనే 10 కోట్లు రాబట్టిన సినిమా
11 రోజుల్లో 147 కోట్ల వసూళ్లు
200 కోట్ల మార్కును తేలికగా అందుకుంటుందనే టాక్

'ది కేరళ స్టోరీ' .. ఇప్పుడు అందరూ ఈ సినిమాను గురించి మాట్లాడుకుంటున్నారు. విమల్ షా నిర్మాణంలో .. సుదీప్తో సేన్ దర్శకత్వంలో ఈ నెల 5వ తేదీన ఈ సినిమా విడుదలైంది. చిన్న సినిమాగా ప్రేక్షకుల ముందుకు వచ్చిన ఈ సినిమా, కంటెంట్ పరంగా కొన్ని అభ్యంతరాలను ఎదుర్కొంటోంది.

ఒక వైపున ఈ సినిమాకి విమర్శలు .. వివాదాలు ఎదురవుతూ ఉంటే, మరో వైపున వసూళ్లు పెరుగుతూ వెళ్లడం విశేషం. నిన్న ఒక్క రోజులోనే ఈ సినిమా 10 కోట్లను వసూలు చేసింది. దాంతో 11 రోజుల్లో ఈ సినిమా 147 కోట్లను రాబట్టినట్టు అయింది. 200 కోట్ల మార్కును ఈ సినిమా అందుకోవడానికి ఎక్కువ రోజులు పట్టకపోవచ్చనే అభిప్రాయాలు వ్యక్తమవుతున్నాయి.

అదా శర్మ .. సిద్ధి ఇద్నాని .. యోగిత ... సోనియా ... దేవదర్శిని ఈ సినిమాలో ప్రధానమైన పాత్రలను పోషించారు. ఏ రోజుకు ఆ రోజు ఈ సినిమా వసూళ్లు పెరుగుతూ వెళుతున్న నేపథ్యంలో, లాంగ్ రన్ లో వసూళ్ల పరంగా ఈ సినిమా కొత్త రికార్డులను సృష్టించవచ్చని అంటున్నారు. మరి ఈ వసూళ్ల వరద ఎక్కడ ఆగుతుందనేది చూడాలి.