Thaman: గుంటూరు కారం రూమర్స్ పై ఘాటుగా స్పందించిన తమన్
- మహేశ్ బాబు 28వ చిత్రానికి త్రివిక్రమ్ దర్శకత్వం
- గుంటూరు కారం అంటూ ఇటీవల టైటిల్ ఫిక్స్
- తాజాగా గుంటూరు కారంపై రూమర్ల వెల్లువ
- తమన్ ను తప్పించారంటూ పుకార్లు
- తమనే వెళ్లిపోయాడంటూ మరికొన్ని పుకార్లు
- కడుపుమంట అంటూ తమన్ వ్యాఖ్యలు
టాలీవుడ్ సూపర్ స్టార్ మహేశ్ బాబు, మాటల మాంత్రికుడు త్రివిక్రమ్ శ్రీనివాస్ కాంబినేషన్ లో వస్తున్న చిత్రం గుంటూరు కారం. ఇటీవల టైటిల్ అనౌన్స్ చేసినప్పటి నుంచి ఈ సినిమాపై హైప్ మరీ పెరిగిపోయింది. అదే సమయంలో రూమర్లు కూడా బలంగా వినిపిస్తున్నాయి.
సంగీత దర్శకుడు తమన్ ను ఈ సినిమా నుంచి తప్పించారని కొన్ని పుకార్లు, తమనే తప్పుకున్నాడని మరి కొన్ని పుకార్లు వచ్చాయి. తమన్ వెళ్లిపోవడంతో, అతడి స్థానంలో తమిళ మ్యూజిక్ డైరెక్టర్ అనిరుధ్ ను తీసుకున్నారన్నది ఆ పుకార్ల సారాంశం.
దీనిపై తమన్ ఘాటుగా స్పందించాడు. తన ఆఫీసు వద్ద ఉచితంగా మజ్జిగ పంపిణీ చేస్తున్నానని, ఎవరైనా కడుపు మంటతో బాధపడుతున్నవారు వచ్చి ఆ మజ్జిగ తాగాలని వ్యంగ్యం ప్రదర్శించాడు. అప్పటికీ మంట తగ్గకపోతే అరటిపండ్లు తినండి అని సలహా ఇచ్చాడు.
దయచేసి నా టైమ్ వేస్ట్ చేయొద్దు... మీ టైమ్ కూడా ముఖ్యమైనదే కదా అని ట్వీట్ వచేశాడు.