JP Nadda: ప్రొఫెసర్ నాగేశ్వర్, కొరియోగ్రాఫర్ జయంత్ లను కలవనున్న జేపీ నడ్డా
- రేపు మధ్యాహ్నం హైదరాబాద్ కు రానున్న నడ్డా
- సాయంత్రం నాగర్ కర్నూల్ సభకు హాజరుకానున్న వైనం
- అనంతరం తిరువనంతపురంకు వెళ్లనున్న బీజేపీ అధ్యక్షుడు
బీజేపీ జాతీయ అధ్యక్షుడు జేపీ నడ్డా రేపు తెలంగాణలో పర్యటించనున్నారు. రేపు మధ్యాహ్నం 12.45 గంటల ప్రాంతంలో ఆయన శంషాబాద్ ఎయిర్ పోర్టుకు చేరుకుంటారు. కాసేపు ఆయన నోవాటెల్ హోటల్ లో ఉంటారు. ఈ సమయంలో ఆయన ప్రొఫెసర్ నాగేశ్వర్, ప్రముఖ కొరియోగ్రాఫర్ ఆనంద్ శంకర్ జయంత్ లతో సమావేశం కానున్నారు.
ఆ తర్వాత సాయంత్రం 4.15 గంటలకు హెలికాప్టర్ ద్వారా నాగర్ కర్నూల్ సభకు వెళతారు. 5 గంటల నుంచి 6 గంటల వరకు సభలో పాల్గొంటారు. అనంతరం శంషాబాద్ విమానాశ్రయానికి చేరుకుంటారు. రాత్రి 7.40 గంటలకు ఎయిర్ పోర్ట్ నుంచి తిరువనంతపురంకు బయల్దేరతారు.