Tamannaah: అభిమాని చేసిన పనికి కన్నీళ్లు పెట్టుకున్న తమన్నా
- ముంబై ఎయిర్‌‌పోర్టులో ఫ్యాన్స్‌తో ముచ్చటించిన తమన్నా
- ఆమె పాదాలను తాకి.. లేఖను ఇచ్చిన వీరాభిమాని
- అతడి చేతిపై వేయించుకున్న పచ్చబొట్టును చూసి తమన్నా భావోద్వేగం
అభిమానానికి హద్దులుండవు.. సినీ నటుల విషయంలో ఇది కాస్త ఎక్కువ ఉంటుంది. గుండెల్లో పెట్టుకునే వాళ్లు కొందరైతే.. గుడులు కట్టే వాళ్లు ఇంకొందరు..! గుండెలపై పచ్చబొట్టు పొడిపించుకునేవాళ్లు ఇంకొందరు. ఇలా ఓ వీరాభిమాని చేసిన పనికి మిల్కీ బ్యూటీ తమన్నా కన్నీళ్లు పెట్టుకుంది.
తాజాగా ముంబై విమానాశ్రయంలో తమన్నా కనిపించింది. దీంతో ఆమెను చూడటానికి చాలా మంది అభిమానులు అక్కడికి చేరుకున్నారు. ఈ సందర్భంగా తన అభిమానులతో ముచ్చటించింది తమన్నా.
అందులో ఒక ఫ్యాన్ తమన్నా పాదాలను తాకి.. దండం పెట్టాడు. తర్వాత ఒక బొకే, లేఖను తన అభిమాన హీరోయిన్‌కు ఇచ్చాడు. ఈ సమయంలో తన చేతిపై వేయించుకున్న పచ్చబొట్టు చూపించాడు. అది చూసిన తమన్నా ఒక్కసారిగా భావోద్వేగానికి గురైంది.
తమన్నా ఫొటోతోపాటు ‘లవ్ యు తమన్నా’ అని పచ్చబొట్టు పొడిపించుకున్నాడు. అది చూసి కన్నీళ్లు పెట్టుకున్న తమన్నా.. ఆ అభిమానిని కౌగిలించుకుని ‘ధన్యవాదాలు’ చెప్పింది. ఇందుకు సంబంధించిన వీడియో సోషల్ మీడియాలో వైరల్ అవుతోంది.
తమన్నా ఫొటోతోపాటు ‘లవ్ యు తమన్నా’ అని పచ్చబొట్టు పొడిపించుకున్నాడు. అది చూసి కన్నీళ్లు పెట్టుకున్న తమన్నా.. ఆ అభిమానిని కౌగిలించుకుని ‘ధన్యవాదాలు’ చెప్పింది. ఇందుకు సంబంధించిన వీడియో సోషల్ మీడియాలో వైరల్ అవుతోంది.