Chiranjeevi: సెన్సార్ పూర్తి చేసుకున్న 'భోళాశంకర్'
- మాస్ యాక్షన్ ఎంటర్టయినర్ గా 'భోళాశంకర్'
- ముఖ్యమైన పాత్రలలో తమన్నా - కీర్తి సురేశ్
- సంగీతాన్ని అందించిన మహతి స్వరసాగర్
- ఆగస్టు 11వ తేదీన భారీస్థాయిలో విడుదల
చిరంజీవి కథానాయకుడిగా 'భోళాశంకర్' సినిమా రూపొందింది. రామబ్రహ్మం సుంకర నిర్మిస్తున్న ఈ సినిమాకి, మెహర్ రమేశ్ దర్శకత్వం వహించాడు. గతంలో తమిళంలో అజిత్ హీరోగా చేసిన 'వేదాళం' సినిమాకి ఇది రీమేక్. ఆ సినిమా అక్కడ బ్లాక్ బస్టర్ హిట్. ఆ కథకు మెగాస్టార్ మార్కును జోడించి తెలుగులో రీమేక్ చేశారు.
ఈ సినిమాలో చిరంజీవి సరసన తమన్నా అలరించనుండగా, ఆయన చెల్లెలి పాత్రలో కీర్తి సురేశ్ కనిపించనుంది. సిస్టర్ సెంటిమెంట్ ప్రధానంగా ఈ కథ నడుస్తుంది. అలాగే మాస్ యాక్షన్ కి సంబంధించిన అంశాలు పుష్కలంగా ఉంటాయి. మహతి స్వరసాగర్ అందించిన బాణీలకు ఇప్పటికే మంచి మార్కులు పడిపోయాయి.
ఈ నేపథ్యంలో ఈ సినిమా సెన్సార్ కార్యక్రమాలను పూర్తిచేసుకుని, U/A సర్టిఫికెట్ ను సంపాదించుకుంది. భారీతారాగణం ఈ సినిమాకి ప్రత్యేకమైన ఆకర్షణ కానుంది. ఆ జాబితాలో తరుణ్ అరోరా .. బ్రహ్మానందం .. మురళీ శర్మ .. వెన్నెల కిశోర్ కనిపించనున్నారు. ఆగస్టు 11వ తేదీన ఈ సినిమా థియేటర్లకు రానుంది.
