Jagan: కింద పడిన మెడల్ ను పోలీసు అధికారికి అందించిన జగన్
- విజయవాడలోని ఇందిరాగాంధీ స్టేడియంలో జెండా ఎగురవేసిన జగన్
- ఉత్తమ ప్రతిభ కనపరిచిన పోలీసులకు మెడల్స్ ప్రదానం చేసిన సీఎం
- జగన్ కు శాల్యూట్ చేస్తుండగా కిందపడ్డ పోలీసు అధికారి మెడల్
77వ స్వాతంత్ర్య దినోత్సవ వేడుకలను దేశ వ్యాప్తంగా అందరూ ఘనంగా జరుపుకున్నారు. విజయవాడలోని ఇందిరాగాంధీ స్టేడియంలో ముఖ్యమంత్రి జగన్ జాతీయ జెండాను ఎగురవేశారు. ఈ సందర్భంగా ఉత్తమ ప్రతిభ కనపరిచిన పోలీసులకు జగన్ మెడల్స్ అందించారు. ఈ సందర్భంగా ఓ ఆసక్తికర ఘటన చోటుచేసుకుంది. గ్రేహౌండ్స్ కు చెందిన గౌరునాయుడికి జగన్ మెడల్ ప్రదానం చేశారు. అనంతరం గౌరునాయుడు శాల్యూట్ చేస్తుండగా మెడల్ కిందపడింది. దీన్ని గుర్తించిన జగన్ మెడల్ తీసి మళ్లీ గౌరునాయుడికి ప్రదానం చేశారు. మరోవైపు, ఈ సందర్భంగా జగన్ మాట్లాడుతూ తాము అందిస్తున్న నవరత్నాల పాలన ప్రజాస్వామ్యానికి నిజమైన అర్థమని అన్నారు.