Vadivelu: సినీ నటుడు వడివేలు ఇంట మరో విషాదం
- వడివేలు తమ్ముడు జగదీశ్వరన్ మృతి
- కాలేయం పూర్తిగా పాడవడంతో ఆసుపత్రిలో కన్నుమూత
- ఇటీవలే తల్లిని కోల్పోయిన వడివేలు
ప్రముఖ సినీ నటుడు వడివేలు ఇంట విషాదం నెలకొంది. ఆయన తమ్ముడు జగదీశ్వరన్ మృతి చెందారు. 55 ఏళ్ల జగదీశ్వరన్ అనారోగ్య సమస్యలతో బాధపడుతూ కన్నుమూశారు. కాలేయ సంబంధిత సమస్యతో బాధపడుతున్న ఆయన మధురైలోని ఓ ప్రైవేట్ ఆసుపత్రిలో చికిత్స పొందుతూ తుదిశ్వాస విడిచారు. ఆయన కాలేయ పనితీరు పూర్తిగా దెబ్బతింది. జగదీశ్వరన్ సినిమాల్లో కూడా నటించారు. అయితే అవకాశాలు రాకపోవడంతో మధురైకి వెళ్లిపోయి బట్టల షాపు పెట్టుకుని జీవనం కొనసాగిస్తున్నారు. మరోవైపు, ఇటీవలే వడివేలు తల్లి మరణించారు. ఆ విషాదం నుంచి ఇంకా కలుకోక ముందే ఆయన తమ్ముడు మృతి చెందారు.
