Kodali Nani: చంద్రబాబు పాలవ్యాపారం ఎందుకు చేస్తున్నాడంటే...: కొడాలి నాని
- చంద్రబాబును అరెస్ట్ చేయకుంటే ముద్దు పెట్టుకుంటారా? అన్న నాని
- ఐటీ నోటీసులపై ఆయన నోరు విప్పాలని డిమాండ్
- పాలు, పిడకలు అమ్మి దేశంలో ఎవరూ ఇంతలా సంపాదించలేదని వ్యాఖ్య
తెలుగుదేశం పార్టీ అధినేత నారా చంద్రబాబునాయుడుపై మాజీ మంత్రి కొడాలి నాని తీవ్ర విమర్శలు గుప్పించారు. అవినీతిపనులు చేసే చంద్రబాబును అరెస్ట్ చేయకుండా ముద్దు పెట్టుకుంటారా? అన్నారు. రూ.118 కోట్ల ముడుపుల వ్యవహారంలో తనకు ఇచ్చిన ఐటీ నోటీసులపై ఆయన నోరు విప్పాలన్నారు. చంద్రబాబు పాలు అమ్మి రూ.10వేల కోట్లు సంపాదించారా? అని ప్రశ్నించారు. పాలు, పిడకలు అమ్మి దేశంలో ఎవరూ ఇంతలా సంపాదించలేదన్నారు. అసలు దోచుకున్న డబ్బును వైట్ చేసుకోవడానికే చంద్రబాబు పాలవ్యాపారం చేస్తున్నాడని ఆరోపించారు.
మనం ఏదైనా మంచి పని చేసి ఉంటే అది ప్రజలు చెప్పాలన్నారు. కానీ చంద్రబాబు మాత్రం సెల్ఫీలు తీసుకొని గొప్పలు చెప్పుకోవడమేమిటని మండిపడ్డారు. హైదరాబాద్‌ను తానే కట్టానని చంద్రబాబు చెబుతారని, కానీ అక్కడ పోటీ చేస్తే డిపాజిట్ కూడా రాదన్నారు. పిట్టల దొరలు లేని లోటును ఆయన తీరుస్తున్నారన్నారు. రాష్ట్రంలో కేవలం ఐదుగురు వ్యక్తులు మాత్రమే సంపదని దోచుకోవాలని కుట్రలు చేస్తున్నారన్నారు.