Harish Rao: నడ్డా... తెలంగాణ కేసీఆర్ అడ్డా: హరీశ్ రావు
- సొంత రాష్ట్రంలోనే బీజేపీని నడ్డా గెలిపించుకోలేక పోయారన్న హరీశ్
- బీజేపీ చేరికల కమిటీ ఫ్లాప్ అయిందని ఎద్దేవా
- తెలంగాణలో బీఆర్ఎస్ హ్యాట్రిక్ కొడుతుందని ధీమా
బీజేపీ జాతీయ అధ్యక్షుడు జేపీ నడ్డాపై తెలంగాణ మంత్రి హరీశ్ రావు విమర్శలు గుప్పించారు. సొంత రాష్ట్రం హిమాచల్ ప్రదేశ్ లోనే బీజేపీని నడ్డా గెలిపించుకోలేకపోయారని... తెలంగాణలో ఆయన సాధించేది ఏముందని ప్రశ్నించారు. నడ్డా... ఇది కేసీఆర్ అడ్డా అని అన్నారు. రాష్ట్రంలో బీజేపీ తీసుకొచ్చిన చేరికల కమిటీ అట్టర్ ఫ్లాప్ అయిందని... ఆ పార్టీలో ఎవరూ చేరలేదని ఎద్దేవా చేశారు. తెలంగాణలో డిపాజిట్లు దక్కించుకునే కమిటీ వేసుకోవాలని అన్నారు.