ICC World Cup: వరల్డ్ కప్: నేటి రెండో మ్యాచ్ లో పాకిస్థాన్ తో శ్రీలంక ఢీ
- వరల్డ్ కప్ లో నేడు రెండు మ్యాచ్ లు
- రెండో మ్యాచ్ లో టాస్ గెలిచి బ్యాటింగ్ ఎంచుకున్న శ్రీలంక
- నిలకడగా శ్రీలంక ఇన్నింగ్స్
ఐసీసీ వన్డే వరల్డ్ కప్ లో నేడు రెండు మ్యాచ్ లు జరుగుతున్నాయి. ధర్మశాలలో ఉదయం 10.30 గంటలకు ప్రారంభమైన మ్యాచ్ లో ఇంగ్లండ్, బంగ్లాదేశ్ జట్లు తలపడుతుండగా, మధ్యాహ్నం 2 గంటలకు మొదలైన రెండో మ్యాచ్ లో పాకిస్థాన్, శ్రీలంక జట్లు ఆడుతున్నాయి. హైదరాబాదులోని ఉప్పల్ స్టేడియంలో జరుగుతున్న ఈ పోరులో శ్రీలంక టాస్ గెలిచి బ్యాటింగ్ ఎంచుకుంది. ఓపెనర్ కుశాల్ పెరీరా (0) డకౌట్ అయినప్పటికీ శ్రీలంక నిలకడగా ఆడుతోంది. 16 ఓవర్లు ముగిసేసరికి లంక జట్టు స్కోరు 1 వికెట్ నష్టానికి 98 పరుగులు. ఓపెనర్ పత్తుమ్ నిస్సాంక 48 పరుగులు, కుశాల్ మెండిస్ 44 పరుగులతో క్రీజులో ఉన్నారు. పాక్ బౌలర్లలో హసన్ అలీ 1 వికెట్ తీశాడు.