Srikalahasti: శ్రీకాళహస్తి ఆలయ దర్శన వేళల్లో మార్పులు
- కార్తీక మాసం సందర్భంగా శ్రీకాళహస్తిలో ప్రత్యేక పూజలు
- నెల రోజుల పాటు కోటి కుంకుమ బిల్వార్చన
- ఉదయం 4 గంటలకే ఆలయం తెరవనున్న అర్చకులు
- ఉదయం 5 గంటల నుంచి రాత్రి 9 గంటల వరకు దర్శనాలు
శ్రీకాళహస్తిలో కొలువైన ముక్కంటి ఆలయంలో దర్శన వేళల్లో మార్పు చేశారు. కార్తీక మాసం సందర్భంగా శ్రీకాళహస్తిలో ప్రత్యేక పూజలు నిర్వహించనున్నారు. రేపటి నుంచి నెల రోజుల పాటు కోటి కుంకుమ బిల్వార్చన, తదితర పూజలు చేయనున్నారు. ఈ నేపథ్యంలో ఉదయం 4 గంటలకు ఆలయం తెరవనున్నారు. ఉదయం 5 గంటల నుంచి భక్తులకు సర్వదర్శనం కల్పించనున్నారు. రాత్రి 9 గంటల వరకు భక్తులకు దర్శనానికి అనుమతి ఉంటుందని ఆలయ ఈవో వెల్లడించారు.