Nithiin: హీరో నితిన్ కు ధోనీ నుంచి కానుక
- నితిన్ కొత్త చిత్రం 'ఎక్స్ ట్రా... ఆర్డినరీ మేన్'
- డిసెంబరు 8న విడుదల
- నితిన్ కు శుభాకాంక్షలు తెలిపిన ధోనీ
- తాను సంతకం చేసిన జెర్సీని నితిన్ కు పంపిన క్రికెట్ లెజెండ్
టాలీవుడ్ హీరో నితిన్ ప్రస్తుతం 'ఎక్స్ ట్రా... ఆర్డినరీ మేన్' అనే చిత్రంలో నటిస్తున్నారు. వక్కంతం వంశీ దర్శకత్వంలో తెరకెక్కుతున్న ఈ వినోదాత్మక చిత్రంలో నితిన్ సరసన శ్రీలీల కథానాయికగా నటిస్తోంది. ఈ చిత్రం డిసెంబరు 8న ప్రేక్షకుల ముందుకు వస్తోంది.
ఈ నేపథ్యంలో, నితిన్ కు టీమిండియా క్రికెట్ దిగ్గజం ఎంఎస్ ధోనీ నుంచి కానుక అందింది. 'ఎక్స్ ట్రా... ఆర్డినరీ మేన్' చిత్రం రిలీజ్ ను దృష్టిలో ఉంచుకుని నితిన్ కు శుభాకాంక్షలు చెబుతూ ధోనీ ఒక జెర్సీని పంపారు. ఆ జెర్సీపై ధోనీ సంతకం చేయడం విశేషం.
ఈ విషయాన్ని నితిన్ సోషల్ మీడియా ద్వారా అభిమానులతో పంచుకున్నారు. "ఎక్స్ ట్రార్డినరీ వ్యక్తిం నుంచి ఎక్స్ ట్రార్డినరీ గిఫ్ట్... ఈ జెర్సీ పంపినందుకు థాంక్యూ ధోనీ సర్... లవ్యూ" అంటూ నితిన్ ట్వీట్ చేశారు. అంతేకాదు, ధోనీ పంపిన జెర్సీ ఫొటోను కూడా పంచుకున్నారు.