PM Modi: బండారు దత్తాత్రేయ మనవరాలి పాటకు పరవశించిన ప్రధాని మోదీ
- మోదీ గొప్పదనం గురించి పాటపాడిన బండారు దత్తాత్రేయ మనవరాలు
- ఎంతో సృజనాత్మకంగా, మనసుకు హత్తుకునేలా ఉందన్న మోదీ
- ఆ చిన్నారి మాటలు గొప్ప శక్తినిస్తాయని వెల్లడి
హర్యానా గవర్నర్ బండారు దత్తాత్రేయ మనవరాలు జశోధర ప్రధాని నరేంద్ర మోదీ గురించి ఓ పాట పాడిన వీడియో సామాజిక మాధ్యమాల్లో అందరి దృష్టిని ఆకర్షించింది. మోదీని కీర్తిస్తూ ఆ చిన్నారి ఆలపించిన తీరు నెటిజన్లను ఆకట్టుకుంది. దీనికి సంబంధించిన వీడియోను బండారు దత్తాత్రేయ సోషల్ మీడియాలో పంచుకున్నారు.
కాగా, దత్తన్న మనవరాలి వీడియోను ప్రధాని మోదీ కూడా చూశారు. ఆ చిట్టితల్లిని ఆయన ప్రశంసించకుండా ఉండలేకపోయారు. ఆ చిన్నారి పాడిన పాట ఎంతో సృజనాత్మకంగా, మనసుకు హత్తుకునేలా ఉందని మెచ్చుకున్నారు. ఆమె మాటలు గొప్ప శక్తినిచ్చేలా ఉన్నాయని కొనియాడారు.